డెమోక్రసీ రైట్స్ ప్రతినిథి కొరపాటి రాజు నవంబర్ 15
జీవితంలో ఎప్పుడు ఏం జరుగుతుందో ఎవరూ ఊహించలేరు.మనం మన జీవితానికి ఎన్నో ప్రణాళికలు వేసుకుంటాం. కానీ విధి మరోలా పరీక్షిస్తుంది.అలాంటి పరీక్షలను ఎదుర్కొని విజేతగా నిలిచిన మహిళ ప్రతీక్ష తోండ్వాల్కర్
బాల్యం – చదువుపై ఇష్టం
మహారాష్ట్రలోని ఓ నిరుపేద కుటుంబంలో జన్మించిన ప్రతీక్షకు చిన్నప్పటి నుంచే చదువంటే ఎంతో ఇష్టం. కానీ కుటుంబ ఆర్థిక పరిస్థితులు బాగాలేకపోవడంతో చదువును మధ్యలోనే ఆపేసి పనికి వెళ్లాల్సి వచ్చింది.
17 ఏళ్లకే వివాహం.. 20 ఏళ్లకే విషాదం
చిన్న వయసులోనే సదాశివ్ అనే వ్యక్తిని వివాహం చేసుకున్నారు.ఆయన ముంబైలోని స్టేట్ బ్యాంక్ ఆఫ్ ఇండియాలో బుక్ బైండర్‌గా పనిచేసేవారు. వీరికి ఒక కుమారుడు జన్మించాడు.
అయితే విధి మరోలా పరీక్షించింది.ఒక రోడ్డు ప్రమాదంలో భర్త మరణించడంతో కేవలం 20 ఏళ్ల వయసులోనే ఆమె భర్తను కోల్పోయి,చిన్న బిడ్డతో ఒంటరిగా మిగిలిపోయారు.రూ.65 జీతంతో ఉద్యోగ జీవితం ప్రారంభం
కుటుంబాన్ని పోషించుకోవడానికి భర్త పనిచేసిన ఏస్బీఐ బ్యాంకును ఆశ్రయించారు. ఉద్యోగం కోసం దరఖాస్తు చేసుకున్నారు.
కొంతకాలం తర్వాత అదే బ్యాంకులో పార్ట్‌టైమ్ స్వీపర్‌గా ఉద్యోగం లభించింది.నెలకు కేవలం రూ.65 జీతంతో తన ఉద్యోగ జీవితాన్ని ప్రారంభించారు.పేదరికాన్ని జయించిన చదువు
ఆమెకు చదువుపై ఉన్న ఆసక్తి మాత్రం తగ్గలేదు. పాత పుస్తకాలు కొనుక్కొని స్వయంగా చదువుకున్నారు.
• పదో తరగతి పూర్తి చేశారు.
• ఇంటర్మీడియట్ చదివారు.
• డిగ్రీని కూడా పూర్తి చేశారు.
ఇంటి బాధ్యతలు,కొడుకు పెంపకం, ఉద్యోగం.ఇలా ఎన్నో కష్టాల మధ్య చదువును కొనసాగించారు.
స్వీపర్ నుంచి బ్యాంకు అధికారిగా ఎదుగుదల ఎస్బిఐ లో అంతర్గత ఉద్యోగ నియామక పరీక్షలకు హాజరై క్లర్క్‌గా ఉద్యోగం సాధించారు.ఆ తర్వాత క్రమంగా ఉన్నతస్థాయి పరీక్షలు, ప్రమోషన్ల ద్వారా ఎదుగుతూ అదే బ్యాంకులో అసిస్టెంట్ జనరల్ మేనేజర్ (ఏజీఎం) స్థాయికి చేరుకున్నారు.
తర్వాత ఆమె ప్రమోద్ అనే వ్యక్తిని రెండో వివాహం చేసుకున్నారు.ఆమె జీవిత ప్రయాణం మనకు నేర్పే పాఠాలు:
• పేదరికం మన విజయానికి అడ్డంకి కాకూడదు.చదువుకోవడానికి వయసుతో సంబంధం లేదు.కష్టాలు వచ్చినప్పుడు కుంగిపోకూడదు.లక్ష్యంపై పట్టుదల ఉంటే విజయాన్ని సాధించవచ్చు.
• జీవితంలో ఎప్పుడూ ఆశను కోల్పోకూడదు.ఒకప్పుడు అదే బ్యాంకులో చీపురు పట్టిన చేతులు.. ఆ తర్వాత పెన్ను పట్టి ఉన్నతాధికారి హోదాను అందుకున్నాయి.
ఆమె కథ ఒక్క మహిళ విజయగాథ మాత్రమే కాదు.. కష్టాల్లో ఉన్న ప్రతి ఒక్కరికీ ఒక గొప్ప స్ఫూర్తి!
గుర్తుంచుకోండి.. మన పరిస్థితులు మన భవిష్యత్తును నిర్ణయించవు. మన పట్టుదలే మన భవిష్యత్తును నిర్మిస్తుంది!
